माघ १६ चितवन
नेपाली क्रिकेट समर्थक समाज एनसिएसएस चितवन पुर्नगठन भएको छ । माघ १६ गते चितवनमा भएको जिल्ला समितीको दिनेश नाइसाको अध्यक्षतामा बसेको पाचौं अधिबेशनको जिल्ला भेलाले विभिन्न प्रस्ताव माथी छलफल गर्दै नयाँ समिती समेत चयन गरेको छ ।
कार्यक्रममा अध्यक्ष दिनेश नाइसाले प्रस्तुत गरेको बार्षिक प्रतिबेदन साधारण सभाले पारित गरेको छ । जिल्ला समितीको भेलामा सस्थाका सस्थापक सदस्य नवीन ओलिया केन्द्रिय सदस्य केदार शर्मा, आजिवन सदस्य सन्तोष शर्मा तथा जिल्लाका सदस्य गरी १४ जना सदस्यको उपस्थित रहेको छ । जिल्ला समितीको पाचौं अधिबेशनले पुनः दिनेश नाइसाको अध्यक्ष रहने गरी ९ सदस्यीय सर्ब सम्मत नयाँ कार्यसमिती गठन गरेको छ । दिनेश नाइसा अध्यक्ष रहेको समितीको उपाध्यक्ष मनिष लामिछाने, सचिव अमित गिरी, कोषाध्यक्ष बिशाल घिमिरे, सह सचिव सुरक्षा भन्डारी, सदस्यहरु विशाल लम्साल, हरि सुवेदी, सचिन ढकाल र सरोज खनाल रहेका छन ।
