परिचय

नेपाली क्रिकेटका समर्थकहरुलाई एकत्रित गर्दै खेलकुद मार्फत समाज रुपान्तरण तथा युवा एकतालाई बलियो बनाउदै क्रिकेटको विकास र बिस्तारमा समर्थकको तर्फबाट महत्वपूर्ण योगदान पुर्याउने प्रमुख लक्ष्यका साथ सस्था दर्ता एन २०३४ को अधिनमा रहि मिति २०७३ बैशाख २२ गते काठमाडौ स्थित जिल्ला प्रशासन कार्यालयमा जिल्ला बिकास समिती, खेलकुद मन्त्रालय साथै राष्ट्रिय खेलकुद परिषदको अनुमती सहित गैर नाफामुलक सस्थाको रुपमा नेपाली क्रिकेट समर्थक समाज (NCSS) को स्थापना गरिएको थियो ।

क्रिकेटमा रुचि हुने केही युवाहरुको प्रयास र सक्रियतामा नेपाली क्रिकेट समर्थक समाजको अबधारणा अघि बढेको थियो । सुरुवाती अबधारणा अनुरुप नेपाली क्रिकेटका समर्थकको साझा सस्थाको रुपमा स्थापित गर्दै स्थानिय साथै राष्ट्रिय स्तरमा क्रिकेट सँग सम्बद्ध ब्यक्ती, संघ, सस्था निकायहरुको सम्वन्वयमा समग्र क्रिकेट क्षेत्रलाई योगदान पुर्याउदै आईरहेको छ ।

हाल देश तथा बिदेशमा गरि करिब २५० भन्दा बढी आधिकारिक सदस्य सस्थामा जोडिईसक्नु भएको छ । सामाजिक संजाल मार्फत करिब साढे तीन लाख नेपाली क्रिकेटका समर्थकलाई समेट्न समेत सस्था सफल भएको छ । त्यसैगरी आफ्नो कार्यक्षेत्रलाई देशब्यापी फैलाउने नीति अनुरुप विभिन्न ९ जिल्लामा जिल्ला सम्वन्वय समिती निर्माण भैसकेको छ । जिल्ला सम्वन्वय समितिहरु मार्फत स्थानिय स्तरमा हुने प्रतियोगितामा योगदान, खेलाडीलाई प्रोत्साहन साथै अफ्ट्यारोमा परेका लाई आर्थिक सहयोग साथै क्रिकेट भित्रको विकृति बिसंगतीको विरुद्ध समेत आवाज उठाउदै आइरहेको छ ।