Nepali Cricket Supporters Society

WebLogo_3.png

अन्डर नाइन्टिन छनोट सम्बन्धमा एनसिएसएसको ध्यानाकर्षण

Share on facebook
Share on twitter
Share on linkedin
Share on whatsapp
Share on email

NCSS, कार्तिक १८

नेपाल क्रिकेट संघ (क्यान) निलम्बन फुकुवा भएको लामो समय पछि घरेलु क्रिकेटको संरचनामा प्रायोजक सहितको उमेर समुह (१९ बर्ष मुनि) को प्रतियोगिता आयोजना हुँदै छ । यो आफैमा सुखद खबर हो । जस्का लागि नेपाल क्रिकेट संघले सुचना सार्बजनिक गर्दै जिल्ला क्रिकेट संघ र प्रदेशहरुलाई टोली छनोट गर्न दिएको निर्देशन अनुरुप केही जिल्लाले खेलाडी छनोट गरिसकेको र केही जिल्लामा त्यो प्रक्रियामा रहेको कुरा यहाहरु माझ जानकारी नै छ । नेपाली क्रिकेट समर्थक समाज (NCSS) को प्रत्यक्ष उपस्थित रहेका र केही जिल्लामा अप्रत्यक्ष रुपमा जिल्लाले आह्वान गरेको खेलाडी छनोटको कार्यक्रममा हाम्रो समेत उपस्थित र निगरानी रह्यो । त्यसबाहेक विभिन्न माध्यमबाट खेलाडी र सम्बन्धित ब्यक्तिहरुको धारणा बुझ्ने प्रयास समेत गरेका छौ ।

विशेषत उमेर समुहको क्रिकेट र त्यसमा प्रतिनिधित्व गर्ने खेलाडी कुनैपनि देशको क्रिकेटको भविष्य हो ।  नेपाली क्रिकेटको इतिहास हेर्ने हो भनेपनि यो तथ्यलाई नकार्न सकिँदैन । तर त्यहि भबिष्य निर्माण गर्ने प्रक्रियालाई भने क्यानले नजरअन्दाज गरेको महसुस हामीले गरेका छौ । एक हप्ता भन्दा छोटो समय दिदै जिल्लाको टोली निर्माण गर्न सुचना निकाल्नु, त्यही सुचना अनुरुप बहुसंख्यक जिल्लाले प्रक्रिया पुर्याउने हिसाबले ट्यालेन्ट हन्ट मार्फत खेलाडी छनोट गर्नु र शतप्रतिशत स्थानमा कागजी र कानुनी उमेर १९ बर्ष भन्दा भएका तर सिनियर, परिचित खेलाडीहरुले नै स्थान बनाएको गुनासो छनोट प्रक्रियामा सहभागी खेलाडी अफिसियलबाट नै आउनु सबैभन्दा दुर्भाग्यको कुरा हो । बर्षौ देखि क्रिकेट खेल्दै घर गृहस्ती सम्हालीसकेर अझै कानुनी रुपमा उमेर मिलाउदै उमेर समुहको प्रतियोगिताका लागि छनोट भएका केही उदाहरण समेत हामीले फेला पारेका छौ ।

उमेर हदको समस्या बिश्व क्रिकेटकै समस्या हो । यद्यपि अन्य राष्ट्रमा घरेलु संरचना बलियो छ तर हाम्रोमा लामो समय उमेर समुहको क्रिकेट नहुदा त्यो बिचमा अबसरको पर्खाईमा रहदा रहदै उमेरले साथ नदिएका खेलाडीहरुले सहभागीको लागि यो बाटो प्रयोग गरिएको तितो यथार्थ छ । यस्तो अबस्था अझै पनि एक दिने सुचना मार्फत खेलाडी आह्वान गर्ने, उपस्थित सिमित खेलाडीलाई एक ओभर बलिङ / ब्याटिङको अबसर दिएर प्रतिभालाई मुल्यांकन गर्ने र बास्तबिक उमेर समूहका खेलाडीहरुले अझै पनि अबसर र स्थान नपाउने अबस्था कायम रहदा हामी नेपाली क्रिकेटको कस्तो भबिष्य निर्माण गरिरहेका छौ ? यी र यस्ता पुरानै प्रबृत्तिले गर्दा कलिला उमेरका क्षमतावान खेलाडीहरु र समग्रतामा नेपाली क्रिकेटको भबिष्य माथी नै अन्याय भै रहेको छ ।

(ध्यानाकर्षण पत्र)

नेपाल क्रिकेट संघ र यसमातहतका अन्य सरोकारवालाहरुले यसबारेमा गम्भीरता पुर्बक मनन गर्दै नेपाली क्रिकेटको उमेर समुह र अन्य घरेलु संरचनालाई बलियो र दिगो बनाउदै माथी उल्लेखित समस्याहरुलाई समाधान गर्न तत्काल तल्लो तहदेखि नै खेलाडी छनोट, टोली निर्माण प्रक्रियालाई प्रभाबकारी र पारदर्शी बनाउन आबस्यक नीति कार्यक्रम तय गर्दै कार्यान्वयन गर्न नेपाली क्रिकेट समर्थक समाज गम्भिर ध्यानाकर्षण ब्यक्त गर्दछ ।

यी र यस्ता पुरानै प्रबृत्तिले गर्दा कलिला उमेरका क्षमतावान  खेलाडीहरु र  समग्रतामा नेपाली क्रिकेटको भबिष्य माथी नै अन्याय भै रहेको छ ।

प्रतिक्रिया दिनुहोस्

संबन्धित गतिविधिहरू :

बन्द प्रशिक्षणको अनुशासन तोडिएको बारे एनसिएसएसद्वारा जारी अपिल

केही दिन एता राष्ट्रिय टोलीको बन्द प्रशिक्षणको अनुशासन तोडिएको तथ्य सार्बजनिक भएका छन । नेपाली राष्ट्रिय क्रिकेट टोलीका एक ……

पुरा पढ्नुहोस् »

राष्ट्रिय क्रिकेटर कबिता गौतमलाई एनसिएसएस अभियानबाट ८० हजार सहयोग

NCSS, ४ पौष, महिला राष्ट्रिय क्रिकेट खेलाडी कविता गौतमलाई नेपाली क्रिकेट समर्थक समाज (एनसिएसएस) को “कविताको दुखाई समर्थकको

पुरा पढ्नुहोस् »